[飞虎同人/礼强]原结局替换版之派个便当俾师妹

　　PC吧

　　“可惜未能打爆杜天宇嘅头！”bob仔仲喺度惋惜白天自己的行动失误。
　　“离得咁远都可以打爆油箱，bob仔，你叻喇！”新人咁威水，老鸟贱仁都不得不心悦诚服道，话嗮佢揸住嗰只根本都唔係狙击枪，如果佢嗰时留低喺sniper team，或者佢哋呢班老鸟都冇定企了。
　　“虽然水警未捞到佢哋，但係油箱爆炸喔，睇怕都係做定咸鱼喇！”阿源跟住分析到。
　　“今日阿礼真係表现得几好，梁sir都话明赞你！”帮完阿妈搬嘢嘅阿头摞住只冻啤酒现身，坐低道。
　　“哇～阿礼，哪～全team人出动展sir净係赞你一个，你识做喇！”掌门敲起边鼓。
　　“係～今晚任饮任食，全部入我数！”俞大少豪气地拍拍胸脯，全team人都欢呼。
　　“喂，你巴闭喇！”看俞大少都饮到啤啤乎，文强走过来坐低，揸住酒瓶同他手中的碰一碰。
　　“Madam，底时你都得嘅！”学礼满脸笑意道。
　　“承你贵言哪！”想到来紧的selection，文强不免期待又紧张。
　　“係咯，下礼拜六我唔得闲，要去睇我家姐，加操改喺下礼拜天得唔得啊？”想起又到探监的时间，学礼忙问道。
　　“好啊，我都得嘅，就你几时方便啊！”自己体能就算喺女仔入面算叻，但其实都唔够班男仔嚟嘅，都係多得学礼帮自己加操，体能王果然名不虚传，操练方法都几pro。

　　“喂喂喂，你哋睇阿礼同madam又喺度讲悄悄话喇，你哋话，佢哋真係冇嘢？”打完一局桌球的贱仁揽住星仔阿光掌门几个围观。
　　“我原本以为展sir怕丑，估唔到阿礼都係，你哋睇我哋有冇必要整蛊下佢哋？”星仔闲闲整了整发型，提议道。
　　“唔係咁好挂？Madam来紧唔係要参加selection，如果有乜冬瓜豆腐，加操咁耐咪白费了？”为悭返交通费成日等小巴的光仔想到自己次次等车，都睇到madam仲喺训练场加操，有时阿礼都会帮手，话嗮返咗成日工係人都攰，都不得不佩服madam。
　　“我哋係查紧佢哋有冇超出同事之外嘅关係，同madam参加selection根本八竿子都打不着边……”贱仁恨铁不成钢的拍拍光仔后脑勺，唔明点解仲有人把口可以衰过自己，明知madam今次係第三次考试，仲要咒佢衰紧。
　　“但係我睇madam对阿礼都冇嘢啊……嗰次嗰个乜舒子丽约我哋去大马，madam唔係都话好……嗰个舒子丽摆明冧阿礼冧到出嗮面了……”光仔断断续续的解释。
　　“都话冇拍过拖係咁嘅喇！”贱仁深觉孺子不可教，摇摇头转回去开ball。

　　早晨集合前，诸人喺大房闲聊，学礼跟文强讲起自己昨晚睇到部笑片，手舞足蹈七情上面，把文强逗得前俯后仰。
　　“Attention！”展sir摞住训练计划进来。
　　成team人即刻醒嗮，立定望住阿头。
　　“我有嘢要宣布……”阿头故作神秘道。
　　“係咪展sir你同madam要拉埋天窗啊？”八婆队即係八婆队啦，本性难改。
　　“唔关我事，关阿礼事！”展sir继续卖关子。
　　“关我事？”阿礼都自觉奇怪，见成班手足望住自己，更是不明所以。
　　“英国嗰边有个训练机会，梁sir话，想派阿礼去。”阿头终于揭晓答案。
　　“我去……？”学礼真係好意外，恨入sdu嘅他梗係知SAS嘅训练机会有几难得，话嗮自己都算新仔，估唔到有咁嘅幸运。
　　“做乜啊？你唔想去？咁我复梁sir先了。”阿头作势要走。
　　“唔係唔係，我梗係想去了，多谢展sir，我一定唔会辜负大家嘅期望。”学礼挺胸自信满满道。
　　“睇你两旧鸡扒都知你fit喇，实唔会辜负嘅係咪！”贱仁不客气地拍拍学礼的胸肌笑道。
　　“其他嘢迟啲先倾，呢份係培训通知。大家三分钟后训练场集合。”展sir递了文件过来，手下新仔咁叻，都没辜负当初自己狠心操练佢嘅苦心。

　　“Madam！”看文强一个人在canteen用紧早餐，学礼放低啲嘢在她张桌上，自己亦在一旁坐下。
　　“早晨！”见来人是bob仔，文强开声问好，“食咗未啊？咁早返嚟嘅？”自己早返是做文职加埋呢排加操的习惯，俞大少住山顶别墅区都咁早返，咪仲早起，哇哈，少见！
　　“食咗喇！係了，呢啲嘢俾你喇！”学礼将桌上的东西推过去。
　　“乜啊？”莫名其妙俾啲嘢自己，文强都好意外，皱起眉头擦擦手先拿起来，原来是一瓶药酒，仲有一个小文件夹。
　　见她拿起文件夹翻阅，学礼解释道，“我下礼拜就过去英国嗰边了，你selection嗰时肯定冇得返嚟，呢啲係我惗到嘅我觉得你仲係可以提升嘅部分，同埋我以前自己考试嘅经验，仲问咗轩仔佢哋，希望能帮到你了。呢只药酒係我自己用开嘅，冇我喺度，你自己加操都要小心啲喇！”
　　“俞学礼，多谢你喇！”估唔到是咁重手嘅礼物，文强郑重道谢。
　　“我哋兄弟嚟嘅嘛，使乜多谢？等你好消息喇！”学礼故作轻松拍拍她肩膀笑道，“咁你慢慢，我出返去先！”说完便起身行出去。

　　“奇怪，点解仲未嚟嘅？”学礼看看表，madam份人返工从来都是有早无迟，何况是她约自己的加操，早知道今日去她屋企楼下等人了，打极电话都冇人听，“唔係惗住悭返一餐吧？”琴晚佢仲打俾自己话今晚请食饭，其实自己都唔係咁为食喈！不过佢做东，梗係要俾面喇，话嗮自己过两日去到英国，再见返佢又要个来月。
　　等得正无聊，忽然学礼收到madam嘅短信，话喺沙田乜学堂等。做乜无啦啦转地头……学礼无解，打佢电话都係飞咗去留言，只得揸车过去。
　　到了嗰度，学礼先发现原来是座荒废嘅旧村小学，得返几间烂教室同一座体育馆。打给文强依旧无人接听，他只得逐间教室揾人，都无乜发现，最后先喺体育馆揾到人——文强被双手束起吊在篮球架上，原本清秀英气的脸庞伤痕累累，整个人似融融烂烂的公仔玩具，毫无半点生气。
　　“Madam！madam！”学礼奔过去惊惶地唤她，却无应答。拿起手机惗住求救却发现已经收不到信号，不知是不是信号死角。爬上篮球架惗住放她下来，才解开绳索固定在篮球架上的一头，一颗子弹瞬间射中他拉着她的左臂。剧痛让他的手一松，就见她即刻往下滑落，学礼连忙忍痛拉住束住她双手的绳索，不敢再轻举妄动。
　　“精彩精彩，不愧是精锐部队sdu，咁好身手。”伴着体育馆里诡异的掌声和零零落落的回响，穿着黑色风衣揸住枪的神秘人现身，喺他隔离仲有一个穿着大斗篷戴住口罩的娇小身影。
　　“估唔到一个短信就令到俞sir现身，唔知呢位madam係你边位呢？”
　　待他们走近，学礼先发现他们身份，咬牙切齿道：“杜天宇！！姚美玲！！係你哋！！！”
　　“俞sir，你话如果madam块面同我一样，你会係乜感觉？”姚美玲除低口罩，因着气爆的缘故，她的脸上满是狰狞的大小水泡、疤痕。
　　“不要，不要……”看到那可怕的伤痕，学礼下意识就开口拒绝。
　　“放心……我哋冇咁残忍……我哋有好多嘢可以玩。”杜天宇的脸上浮现阴森森的暗笑。

　　迷迷糊糊醒返时，文强只觉得全身痛楚。想睁开眼，却只能看到一堆血在自己眼前，其他什么都看不见。嘴唇好干好渴，想动一动，却发现自己被吊在半空，究竟是在哪里？她不知道。
　　今天原本是约了学礼加操，出门走向电梯间时，她听到后楼梯间似乎有小孩不断啼哭的声音，循声走过去，推开后楼梯的门，一个黑影袭来，跟住她就失去了知觉。

　　“杜天宇，你係咪男人，有乜事你冲我嚟，要报仇都唔应该揾madam。”是学礼的声音，原来是杜天宇绑了自己来，讲真是自己大意了，自己住的那层三户人家都未有小孩，如果当时能细心点，也许就会发现不妥之处，可是现下想这些已经太迟了。
　　“咁你都唔应该让我老婆受伤，所以，我冇得拣，绑埋你中意嘅女仔，等你明白我嘅感受。”杜天宇在说什么，怎么自己完全听不懂。文强的脑混混沌沌，只是觉得自己身体越来越重，手腕越来越痛，哪怕之前两次selection，都无现下难捱。

　　学礼从来未惗过，是自己对文强的倾慕，令她陷入这等危险中。只手越来越痛，学礼咬紧牙关，全力撑住，不让她掉下去，心中默念，madam，你都要撑住！
　　“俞sir我睇你撑的好辛苦，不如等我帮下你……”杜天宇抓起手中的枪，朝吊在半空中的文强瞄了瞄。
　　“不要，不要，要开枪冲我嚟，madam係无辜嘅，佢未向你哋开过一枪。”学礼忙朝他喊。
　　“係咩？咁我朝你嚟。”杜天宇阴恻一笑，跟住即刻朝学礼右臂又开一枪。
　　“啊……”学礼痛得即刻松手，跟住就见文强坠落躺倒在地，竟然哼都不哼一声。
　　“Madam……”只恨自己忍唔到痛揸唔住条绳，学礼即刻从篮球架上跳落，扑埋她身边，伸手测测她鼻息，十分之微弱，拍拍她的脸，却是意识全无！
　　“杜！天！宇！”起身朝杜天宇奔过去，学礼的心中满是愤怒。
　　杜天宇接连几枪射他脚下，却是一枪未中。
　　那边文强模模糊糊地哼出声来，学礼回转头，却见姚美玲提了个似是油漆罐大小的铁桶朝她走过去。
　　“不要！”学礼想奔过去阻住姚美玲，后脑勺已被顶上冰冷的枪口。
　　铁罐被打开，刺鼻的天拿水味四散开来，姚美玲似疯了一般癫笑，将天拿水倒于文强身上，跟住，掏出了打火机。
　　未等她再有下一步动作，簌的一声，她应声倒地。
　　杜天宇不可置信地回转身望望子弹射来的方向，学礼借地上光影映照，转身一个回旋踢对住他后脑，再跟住一脚踢开他手中的枪。
　　班手足揸住枪破门而入，学礼忙转身去照看文强。

　　杜天宇自文强家后楼梯劫走她后没多久，大厦清洁工发现了她的背包，送至大厦保安室。保安根据包里的警员委任证认出文强是本楼住客，遂到她家敲门，却无人应答，打她登记的联系电话，亦是不通。保安问明清洁工拾到包的位置，感觉有蹊跷，遂报警求助。巡街PC到场原本以为保安小题大做，谁知调看监控录像竟然发现通缉重犯杜天宇的行踪，遂层层上报。CIB追踪到文强手提电话讯号，SDU跟住出动。
　　虽然行动都算及时，但文强躺在ICU数日最后都未能救返。杜天宇捉住她之后先施打了过量杜冷丁，跟住又是吊起毒打，最后姚美玲倒下的天拿水更导致她呼吸困难，引发肺部并发症。
　　文强的家人领走了她的遗物，却不同意将她葬入浩园。他们说，屋企得返一粒女，因着听凭她意愿由她当警察先至没命，至少要让她住到离屋企更近的地方。原本如花一般美好的女孩，化作一盒粉末随家人去到英国。
　　学礼两臂的枪伤最终痊愈，但今期的SAS培训早已过嗮期。虽然所有人都安慰他，madam过身不是他的错，他却始终难以释怀。警方从杜天宇住处收返的学礼的成打照片，几乎有一半是和文强出现在同一画面中，有些是帮她加操训练，有些是二人出街。如果不是自己近madam多，或者她现在已经成为自己的师妹，好似自己最近train紧的这班新人其中一员，哪怕未能过selection，她都至少仲应该是好啲啲喺总部返紧工。他自以为从未表露的情感已经收埋得很好，又或者借助这兄弟情的名义，暧昧又安全，岂料害到心仪之人最终丧生。
　　某日放了假的学礼在家中整理旧物，意外揾到旧年他和文强去澳门玩笨猪jump时拿错的U盘。将U盘插入电脑，看到屏幕上曾经朝夕相处之人灵动的身影，惗返她于自己面前默默抽搐、痛苦挣扎乃至在ICU人生最末几日的惨白画面，他顿时泣不成声。
　　失去一个人，一段从未开始却早已深植心中的情感，究竟意味着什么呢？每日走过挑衅过她的训练场，帮她加练的天台和搏击房，与她较量过的靶场，俞sir不见一丝波澜却又不苟言笑的面皮下，深藏了一个愧疚思念却永远无法圆满的灵魂。

该作者现在暂无推文