獻俾我心目中最偉大嘅海賊王同人

獻俾我心目中最偉大嘅海賊王同人
查實追呢篇文已經可以追溯到很久遠嘅歲月啦，想寫呢篇長評呢，亦已經有好耐好耐嘅一段時間啦，但系由於學業與工作嘅關係一直都冇付諸于行動，終於到今日我可以靜下心來坐系電腦邊打字啦，於是，貓大我嚟啦！~~~
「人物篇」
第一個要講嘅，系我地最可愛嘅桃子公主。從來冇念過有一個女仔可以好似佢咁可愛，狡猾，而又不失自己正義。一開始我唔系咁興趣呢種把自己當成全世界中心個中心嘅女仔，我覺得作為一個穿越到海賊王世界嘅主角，點下都要同luffy佢地咁樣，路見不平就熱血沖頭過去開打先啱。當然，我亦見過太多呢樣嘅原創主角，我從來都唔惗過應該靜可以有一種另類嘅性格嘅主角。點知……睇到呢篇作品之後，我竟然發覺咁樣嘅女主角十分迷人。當所有人都只懂得逃避時，一向公主病嘅佢勇敢衝出來，與基德海賊團作戰。佢話自己唔想做一個永遠俾人保護嘅女仔嘅時候，我眼眶都有DD濕潤了。完全冇誇大嘅講，呢篇小說所講述嘅熱血場面是我見過嘅，最好嘅一篇！
我惗我講嘅呢D讚美，貓大肯定已經睇過好多好多啦。所以，我確定從一個‘全新嘅’角度來講述——我眼中嘅桃子小公主仔。
首先，從佢偶爾嘅回憶中可以睇得出佢嘅公主病系事出有因嘅。
“你有過‘活著真無聊’的想法嗎？”
“我的人生要怎麼過，這跟我有什麼關係，這難道不是我的父親和長輩們決定的事情嗎？”
從以上兩句桃子曾經講嘅話，就可以睇得出前世甚至系一開始與zoro出海果一陣，佢對自己嘅人生毫無目標，渾渾噩噩嘅生活，好似衣食無憂，但系精神世界系十分空虛嘅。咁樣嘅話，我可唔可以推測，佢嘅公主病，系因為想要博得其他人嘅關注？就好似‘風雲’里雄霸嘅囡幽若咁，其實只系想要得到其他人嘅關注，所以刁蠻任性，故意做出一副缺少教養的樣子，就算系其他人嘅責駡都好，佢都照單全收。講到尾，佢做咗千千萬萬錯事壞事，都只系想要其他人把目光多停留在她身上多幾秒鐘。又或者好似‘武林外史’里活財神嘅掌上明珠朱七七，搗蛋刁難別人，其實都系因為自己無聊，寂寞，而無人關注自己到底需要D乜野。而我用來類比嘅呢兩個女仔都系我十分中意嘅角色。佢地在自己所處嘅果個故事里頭，敢愛敢恨，天真直率，雖然一開始讓人唔系咁中意，但越了解，越放唔低，越希望佢可以幸福，越希望佢得到中意嘅人嘅在乎。呢一種性格嘅女仔，似乎愛情道路都系並不平坦的，但系面對挫折，佢地通常會比一般人要更加勇敢面對，勇敢付出。往往會喺所有人都覺得溫室花朵很容易就被摧折或者壓垮嘅時候，佢地總會做出讓人眼前一亮嘅選擇。就好似，幽若明知聶風中了‘死神之吻’而親吻佢，朱七七會不惜千里追逐落魄浪子沈浪。
而貓大筆下嘅桃子公主類似我啱啱提過嘅呢兩個女仔，但又唔系完全相同。我講嘅系專屬於桃子公主嘅——正義。桃子公主並唔系果種單單深陷愛情，亦把全世界都忘記嘅人。除咗愛情，佢還很努力去爭取，去擁有自己一直堅持的東西。例如，佢始終做唔到面對殺人袖手旁觀。呢一點，我覺得貓大寫得很精彩，俾我嘅感覺，毫無違和感，也唔會覺得佢好聖母瑪利亞，而系單單覺得佢，呢個女仔很值得人去尊敬。我惗亦系因為咁樣，所以kidd船長明明系一個尊崇武力鎮壓而且毫無憐憫心嘅人，會偏偏睇上世界觀價值觀與自己幾乎系背道而馳嘅桃子。
————
第二個要講嘅，唔系男主角zoro,而系我最鍾意嘅kidd。啱開始睇呢篇文嘅時候，我還未看到在海賊王中佢嘅出場，佢對我來講，就系一個原創人物般嘅存在。第一次見到佢嘅尊容，都系多得貓大你系作者有話要說里嘅貼圖。雖然唔系有乜感覺，但至少我對打打殺殺嘅男仔系冇偏見嘅。睇到佢要借刀殺人時，我反而覺得佢好聰明，而到佢選擇放棄原本嘅海賊團，與桃子一同出海再次組建海賊團時，我覺得呢個男人摞得起，放得低，唔錯，唔錯。之後，我變成kidd fan就變得理所應當，順理成章啦。按照呢個故事來講，kidd並唔系一個拾全拾美嘅男人。首先，佢太殘忍，其他人一唔順佢嘅意，佢第一個選擇系殺咗人地，有唔同見解嘅洛倫茲，吵鬧嘅小販、言語攻擊桃子嘅大叔，到後來是被他誤會系無故離開嘅桃子，一個個人，一個個問題，佢最直接嘅處理方式就系殺咗對方。呢個特點，系尾田賦予嘅，原著中，佢就講過，一路行落嚟，如果有邊個膽敢嘲笑佢嘅one piece夢想，佢絕對唔會手下留情嘅殺咗對方。佢做唔到無視其他人嘅觀點，雖然亦從來冇惗過要別人贊同，但系佢拒絕任何與自己捍衛嘅夢想相沖嘅野。當然佢亦有實力咁樣做嘅。第二點，佢控制欲很強。呢個系從呢篇文章中體現出來嘅。佢一個人想進入偉大航道，可惜當時嘅同僚唔贊成，但系最終佢並唔系少數服從多數，而系自己始終要掌握著自己人生的方向——去更寬廣的地方冒險。佢明知道桃子當時唔樂意與佢一齊航海，佢都要黏過去，而且要左右桃子嘅選擇。佢嘅呢個特點，其實都唔算得上系缺點，反而應該當做作為船長所具備嘅優點來推崇。但系，換一個角度，呢樣有主見嘅男人如果唔能夠去學會尊重身邊嘅人，在適當嘅時機退讓幾步，咁佢唔會行得幾遠，呢個系必然嘅。第三點，佢做唔到相信。佢只相信自己嘅實力，卻很難做到相信其他人對自己嘅忠心與善意。呢點佢又系與luffy很不同，luffy天然呆，邊個講乜嘢佢都信，亦很樂於去幫助人地。而kidd絕對做唔到呢一點，佢嘅‘好’只會交俾很有限嘅人，但就喺呢D很有限嘅人裡邊，佢真正願意相信或者講系真正能夠放低防備去對待嘅人其實冇幾個噶。當故事發展到kidd聽聞桃子所遭遇嘅虐待，佢所有嘅懷疑通通都變成咗內疚。原來佢把桃子拉攏入海賊團，其實內心里卻從來冇俾過呢個女仔夥伴應該獲得嘅‘信任’。
呢個男人，實力強大，但系能夠走進佢嘅人寥寥無幾。我雖然講佢有好多缺點，但同時亦無法去無視佢擁有呢D缺點嘅時候也一定擁有嘅孤獨。佢可以搵到一大堆財富，卻很難甚至也許永遠都無可能獲得毫無保留嘅信任嘅朋友。不過，好幸運嘅系，佢喺茫茫人海中遇到咗桃子公主，雖然有很多唔同，雖然有過好多誤會，但系佢知道，呢個女仔心底善良，即使唔贊成佢嘅做法，但永遠唔會傷害佢。Kidd中意桃子，其實都算有好多理論、實踐依據嘅，唔系作者話，想要個靚仔做男二，就即刻上場演同伴情深。所以，我好支持kidd x 桃子噶！
————
第三個人，點都要講講綠藻頭zoro了。其實我對zoro的感情，佩服敬意多過愛意。呢個男人，就如同貓大講嘅，總系戰鬥中受傷最重嘅一個。其實好多次，佢明明可以避免被傷害，但總會因為‘不可躲開’嘅理由，而隔硬嚟應戰。Vs Mihawk時系咁，喺加亞島陪luffy挨打時系咁，vs Bartholemew